Iran Za Ta Zaɓi Sabon Jagoran Addini Cikin Sa’o’i 24 Bayan Rasuwar Ayatollah Ali Khamenei

Rahotanni sun bayyana cewa ƙasar na shirin zaɓar sabon Jagoran Addini (Supreme Leader) cikin sa’o’i 24 bayan rasuwar jagoran ƙasar, .

A cewar rahotannin da ke fitowa daga cikin ƙasar, majalisar , wadda ita ce ke da alhakin zaɓen Jagoran Addini a Iran, za ta gudanar da wani muhimmin taro cikin sa’o’i 24 domin tattauna tare da zaɓar wanda zai gaji marigayin.

Majalisar Assembly of Experts dai ƙungiya ce ta manyan malaman addinin Musulunci da ke da ikon zaɓar ko kuma cire Jagoran Addini a tsarin mulkin Iran. Wannan mukami shi ne mafi girman iko a ƙasar, inda yake kula da manyan batutuwan siyasa, tsaro da kuma manufofin ƙasar.

Rasuwar Ayatollah Ali Khamenei, wanda ya shafe shekaru da dama yana jagorantar Iran, ta jefa ƙasar cikin wani sabon mataki na siyasa da zai iya sauya alkiblar jagorancin ƙasar gaba ɗaya.

Masana harkokin siyasa na ganin cewa zaɓen sabon Jagoran Addini zai kasance mai matuƙar muhimmanci, domin shi ne zai ci gaba da jagorantar manufofin cikin gida da kuma dangantakar Iran da ƙasashen duniya.

Ana sa ran cewa cikin gaggawa majalisar za ta fitar da sunan sabon Jagoran Addinin da zai gaji marigayin, wanda zai zama jagoran addini da siyasa mafi girma a ƙasar Iran.