Iran Ta Musanta Hannu a Harin Drone Kan Saudiyya

Orbit News 24

Gwamnatin Iran ta musanta zargin cewa tana da hannu a harin jirgin sama maras matuƙi (drone) da aka kai kan wasu wurare a cikin Saudi Arabia.

A cikin wata sanarwa da rundunar Islamic Revolutionary Guard Corps (IRGC) ta fitar, Iran ta bayyana zargin a matsayin mara tushe, tana mai kira ga hukumomin Saudiyya da su gudanar da cikakken bincike domin gano ainihin waɗanda suka kai harin.

Rahotanni daga hukumomin tsaron Saudiyya sun nuna cewa tsarin kare sararin samaniyar ƙasar ya samu nasarar kakkabo wasu jiragen drone da kuma makamai masu linzami da ake zargin suna nufar wasu muhimman wurare a cikin ƙasar.

Sai dai jami’an Iran sun jaddada cewa ƙasar ba ta da hannu a harin, kuma ba ta ba da umarnin kai wani farmaki kan Saudiyya ba.

Masu nazarin harkokin tsaro sun bayyana cewa lamarin na iya ƙara dagula dangantaka tsakanin manyan ƙasashen yankin Gabas ta Tsakiya idan ba a gano ainihin waɗanda suka kai harin ba.

Tushe; Rfi Hausa